“Humanda ka talaga sa akin Honey! Hindi na ako natutuwa sa mga pinagkagagawa mo na ito sa akin! Pati ang Uncle Owen ko mukhang balak mo rin akitin, sabagay may kakayahan din ang aking uncle na sumagot ng factory ninyo at bayaran ang pagkakautang ng iyong ama! Pero kung inaakala mo na hahayaan kita sa gagawin mong iyan kung totoo man na may balak kang gano'n sa uncle ko! Pwes, hindi ako makakapayag, hindi ko hahayaan na mapunta ka sa iba!” Galit na galit na sigaw niya habang walang habas na binabato ang kahit na anong kagamitang mahawakan niya.
Hindi makalapit ang kanyang kasambahay, nag-aalala ang mga ito sa kanya pero pinaalis na lamang niya ang mga ito.
Tsaka huminahon na rin siya dahil kahit na magwala naman siya ng magwala doon, hindi naman nalalaman ni Honey. Baka nga masaya ito
