PANANAKIT ng puson ang gumising kay Sarah. Sunod-sunod iyon kaya napadaing siya. Ito ang unang beses na nangyari ito sa kanya kaya wala siyang ginawa kung hindi ang dumaing at umiyak. Ilang sandali lang ay narinig niya ang pagbukas ng pintuan, marahil narinig ng mga ito ang iyak niya sa pintuan.
“Help! I’m in pain,” aniya, sabay sapo sa tiyan.
Hindi niya alam kung sino ang pumasok, wala kasi siyang narinig na salita mula rito.
Lumubog ang bahaging kaliwa niya kaya alam niyang doon umupo ang pumasok. Sa pakiramdam niya kanina, isang tao lang ang pumasok.
“Bandang puson ba ang masakit?”
Natigilan si Sarah nang mapagtanto kung kaninong boses iyon. Walang iba kung hindi kay Dennis.
“O-oo,” tipid niyang sagot.
Hangga’t maaari ay ayaw na niyang magtiwala rito. Sinungaling si Dennis.
“
