CAMILLA
Hawak ko pa pala ang cellphone ni Jared ng pumasok ito dala ang isang folder at sa tingin ko ay may importante siyang gagawin dahil malaki ang mga hakbang ng maglakad papasok. Nangunot ang noo nito at bahagyang gumalaw ang kilay ng makita niya na hawak-hawak ko pa rin ang phone niya habang tahimik na lumuluha.
"Sweetheart," marahang tawag ni Jared pero hindi ako tuminag.
Bumaba ang tingin niya sa kamay ko at nag-palipat-lipat pati sa mukha ko. Walang imik na inabot ko sa kan'ya ang cellphone na agad naman niyang kinuha sa kamay ko at mabilis na binuksan.
Alam kong nakita niya na nabasa ko ang conversation nila ni Yaya Beth dahil ni-lock ko lang ang screen without pressing back kaya nasa front ang full content.
"Camilla," tawag sa akin ni Jared pero hindi ako kumibo at kagat
