"MAMAYA na natin ayusin ang mga pinamili natin," sabi ni Leo. Inalalayan niya akong maupo sa couch bago siya lumuhod sa aking harapan upang tanggalin ang suot kong sapatos.
Bahagya niyang minasahe ang pagod kong talampakan bago siya tumabi sa akin.
Walong buwan na ang aking pinagbubuntis. Dahil parehas kaming bored kanina, nagkaayaan kami na mamili sa mall ng mga gamit ng babies namin.
Siyempre meron din ang aming kambal na apo at heto nga gumagapang na mula sa pintuan dito sa aming silid si Dahlia.
Si Darienne naman ay unti-unting humahakbang at nagbabalanse upang hindi matumba.
Dahil malusog silang parehas, nahihirapan pa silang maglakad ng diretso.
Kinawayan ko sila. Nilabas naman ni Leo ang laruan mula sa isang paper bag kaya mas binilisan pa ni Dahlia ang paggapang. Mahina
