"Babe, gising na! Tanghali na!" Kanina pa pilit ginigising ni Keane si Alyana subalit hinihila lang nito ang kumot at itinatakip sa mukha nito.
"Mamaya na lang, senyorito. Maaga pa naman at wala namang pasok ngayon, eh," wika pa nito habang nasa loob ng kumot. Pilit niyang inaalis ang kumot na nakabalot sa katawan nito ngunit mahigpit ang pagkakahawak nito sa kumot kaya hindi niya iyon maalis.
"Bumangon ka na riyan at may pupuntahan tayo." Umungol lang ito bilang pagprotesta at hindi man lang kumilos. Kanina pa niya ito ginigising ngunit talagang walang epekto rito kahit na anong gawin niya.
"Tatayo ka riyan o hahalikan kita?" pananakot niya sa dalaga at mabilis nitong inalis ang kumot at kaagad na umupo sa kama dahil sa sinabi niya.
Gusto niyang matawa sa hitsura nito ngunit hindi ni
