ELEVEN: "Hinding-hindi kita iiwan."
NAKARATING kami ni ate Gia sa pinakamalapit na kumbento sa lugar namin. Doon ay humingi kami ng saklolo sa mga babaeng tagasilbi ng Diyos at kaagad naman nila kaming dinaluhan.
"Anong nangyari sa inyo, mga ineng?" marahan ngunit may pag-aalalang tanong sa amin ng isa sa mga sisters.
Pagkarating palang namin sa kumbento nila, pinatuloy kaagad nila kami. Pinaupo at binigyan ng tubig para kumalma.
"Yung... yung..." humihikbi si ate at hindi halos makapagsalita.
Pareho kaming halos nanginginig pa sa takot dahil sa mga nangyari. Siguradong kung hindi kami nakarating ng ligtas dito, tapos na ang mga buhay namin sa kamay nung demonyo.
"Yung ano, hija?" hinaplos ni sister Dayana ang likod ng kapatid ko.
Si sister Dayana ang pinaka-head ng mga sisters at p
