Chapter Fourteen
Napatingin ako sa kalangitan. Madilim na ito pero puno ng mga bituwin. Gabi na pala. Hindi ko man lang namalayan ang oras. Kanina pa kami pagala-gala ni Sir Tyger kung saan-saan. Halos nalibot na rin namin ang buong resort. Medyo nag-e-enjoy naman ako dahil nakakakita talaga kami ng mga guwapo at mayroon pang mga artista.
Lumingon ako kay Sir Tyger nang may lalaking dumaan sa harapan namin. Bahagya akong natawa nang makita ang nagniningning niyang mga mata at malapad na ngiti habang sinusundan ito ng tingin. Hindi ko talaga inaasahan na ang lalaking may malaadonis na mukha at malaking pangangatawan ay isa palang baliko. Kung titingnan talaga siya ay hindi mapagkakamalang malambot.
“Miss Aina, look at them,” aniya.
Napalingon naman ako sa tinuturo niya. Ngayon ay natata
