Chapter Twenty Two
TULALA akong tumitig sa kisame habang patuloy na iniisip ang naging tensyon sa pagitan namin ni Sir Tyran. Ilang araw na ang nakalipas matapos ang pangyayaring ’yon. Parehas kaming naging tahimik sa naganap pero patuloy pa rin akong nababagabag.
“Focus na, Aina,” sabi ko sa sarili at umayos ng pagtayo.
Nakatungtong ako ngayon sa hagdanan at inaabot ng duster ang mga agiw. Tinatanggalan ko ng alikabok ang taas pero hindi ito matapos-tapos dahil paulit-ulit kong naaalala ang ginawa kong pagsampal sa kanya.
“Ano ba ang mali sa ginagawa ko?” tanong ko sa sarili. “Oo, mali ’yung pagsampal ko sa kanya pero siya naman ang nauna. Pinagsalitaan niya ako nang hindi maganda.”
Alam ko naman sa sarili ko na wala akong ginagawang masama. Gusto ko lang magtrabaho nang maayos. Mad
