Chapter Twenty One
“Jusko! Sir Tylor! Sir Typhoeus!”
Naagaw ang atensyon namin nang makarinig ng malakas na sigaw mula kay Manang Laura. Nagkatinginan kami ni Ma’am Veronica at nagmadaling lumabas ng bathroom. Dumiretso kami sa living room para tingnan kung ano ang nangyayari. Nang makarating ay nakita namin sina Sir Typhoeus, Sir Tylor, at Sir Tymon na nakahandusay sa sahig sa tabi ng hagdan. Nandito rin si Sir Tydeus na nasa harapan nila at tila hindi alam kung sino ang unang tutulungan sa kanilang tatlo. Napansin ko naman ang ilang sugat sa mukha nina Sir Tylor at Sir Typhoeus. Putok din ang gilid ng kanilang labi. Parang galing sila sa matinding away.
Umakmang tatayo si Sir Typhoeus para lapitan si Sir Tylor pero agad siyang hinawakan ni Sir Tydeus para pigilan. “Bro, tumigil ka n
