CHAPTER 51:
Willing To Wait.
Ako si Donita Diem Martin, nangangakong hindi na magpapaakit pang muli kay Elton Mckevin Silvestre. Ang baklang gustong magpakalalaking nagsabing mahal niya ako pero hanggang ngayon ay nagdadalawang-isip pa rin—isinulat ko ang mga katagang iyan sa isang papel nang paulit-ulit hanggang sa mapagod ang kamay ko sa kasusulat.
Sa totoo lang ay hindi pa nga ako satisfied sa mga naisulat ko, gusto ko pang gamitin ang kaliwang kamay ko sa pagsusulat at isulat sa another papel ang mga salitang iyon. Bakasakaling mawala na ang nararamdaman kong ito para kay Elton. Baka kapag napagod ako sa kasusulat ay sumuko pati ang puso at isip ko sa pagmamahal ko sa kaniya. Pero dahil likas na kanan naman talaga ang gamit ko sa pagsusulat ang hirap gamitin ng kaliwa, hindi ko naga
