***** RUCIA *****
Pagkatapos niyang asikasuhin ang mga pangangailangan ni Santiago ay nagkulong na siya sa kanyang kuwarto. Tiniis niyang hindi lumabas. Binuryong niya ang kanyang sarili. Yakap niya ang bolster niyang unan habang nakahiga sa posisyong patagilid na nakabaluktot. Pinipilit niyang matulog pero hindi naman siya dinadalaw ng antok.
‘Ano bang nangyayari sa’yo, ha, Rucia? Bakit mo kasi siya sinampal? Naku naman!’ kastigo sa kanya ng sarili.
“Eh, kasi naman lagi niya akong hinahalikan. Pinapakita na parang gusto niya ako. Pero bakit gano’n na nakikipag-s*x siya kay Chana?” katwiran niya. Para na siyang baliw na kinakausap ulit ang sarili.
“Aissst!” Nagulo-gulo niya ang buhok kasabay nang pagtihaya niya ng higa nang ma-realize niya iyon. Nalilito na talaga siya. Ano bang g
