***** AMAN *****
Isang kamay ang humawak sa kanyang balikat dahilan para hindi naituloy ni Aman ang balak na paglapit kay Rucia upang kausapin. Kanina pa niya ito tina-timing-an pero napakailap ng dalaga. Mula dumating siya kaninang umaga sa rancho ay sinasadya nto na hindi mapag-isa. Lagi roon sa may tao.
“Hindi ko alam kung anong rason at nagbalik ka pa. Pero pakiusap, ‘wag mo munang guguluhin si besh. Patong-patong na ang sama ng loob niya. Alalahanin mo, nasampal ka na niya kanina,” sabi ng nagmamay-ari ng kamay nang kanyang lingunin. At si Chana pala.
Humarap siya rito. “Why is she so mad at me?”
“Bakit ako ang tinatanong mo? Bakit hindi ang sarili mo?” ngunit pabalang na sagot ng dalaga sa paraang patanong din.
Napalunok siya’t napasulyap sa dako ni Rucia. Naroon naman nga
