***** RUCIA *****
Halos mawala ang mga itim sa mga mata ni Rucia kung makatingin siya ng masama kay Aman. Gumigilid.
Sa sobrang inis niya sa binata dahil kay tigas ng mukhang magpakita pa sa kanya ay talagang naninigkit ang kanyang mga mata kapag lihim niya itong sinusulyapan. Hindi mawala-wala sa kanyang isipan ang kissing scene nito sa babaeng malanding iyon. Tapos may pabulaklak-bulaklak pa.
"Ano na naman ang plano mo, Aman Buenaventura? Hindi ka pa ba nasayahan sa larong ginawa mo sa akin? Tumayming ka pa talaga sa pagkamatay ni Santiago? Kapal ng mukha mo!" sa loob-loob niya kasabay ng pagkuyom niya sa kanyang mga palad. Gigil na gigil talaga siya. Iyong mga sampal niya kanina ay hindi niya pinagsisisihan kahit na may nakakita at nakakahiya dahil nagkaroon pa tuloy ng issue sa buro
