***** AMAN ****
Binusinahan ni Aman ang batang nakita niyang naglalakad sa gilid ng kalsada. Kung hindi siya kasi nagkakamali ay si Kyd kasi ito. At tama nga siya nang lumingon sa kanyang sasakyan ang bata.
“Saan ka?” tanong niya nang bumaba ang bintana.
“Kuya Du—Guwapo pala!” Natuwa ang bata nang makilala rin siya. “Doon po kina Ate Rucia!” Tumakbo agad sa may bandng passenger seat kahit hindi pa niya inaalok na sumabay na sa kanya.
Ngumiti siya sa bata nang nakaupo ito.
“Gara ng sasakyan mo, ah, Kuya.” Puring-puri ang mga mata ni Kyd na inililibot ang tingin sa loob ng sasakyan. Kung anu-ano rin ang pinipindot.
“Sa bahay niyo ba ikaw galing o gumala ka lang? At ngayon ka lang uuwi?” tanong niya na nanghuhuli.
“Syempre sa bahay, Kuya. Saan naman po ako gagala dito sa gabi? Sa bu
