***** RUCIA ****
Dahil naluto naman na ang almusal ay nagpasya si Rucia na lisanin ang kusina. Hindi siya gutom. Sapat na ang niluto ni Chana na scrambled egg para kina Kyd at Santiago kung sakaling nais pa nilang mag-almusal.
“Hindi ka mag-aalmusal? Hindi ka ba nagugutom?” nga lang ay saktong pasok nina Aman at Chana ang paglabas niya sa entrada palabas ng kusina. As usual nakakawit na naman ang mga braso ni Chana sa braso ni Aman. Dikit na dikit na naman ang mga d*bdib. Gusto na naman yatang magpa--- ah, ayaw na niyang isipin. Kakadiri.
‘Akala ba niya’y umalis na ang mokong?’ tanong niya sa isip.
‘Sino bang may sabi na umalis siya?’ sagot ng bahagi ng isip niya.
Nga naman. Siya lang naman ang nag-isip niyon. Umandar lang ang sasakyan ay inisip na niya agad na pupuntahan na ni Am
