***ANASIA***
“Bilisan mo nang makaligo ka. Baka mapulmonya ka na d’yan.” Nakakunot ang noo ni Reynan na itinuloy ang paghakbang sa malawak na hagdanan ng kanilang ancestral house. Tinimpi nito ang pagkayamot sa napakabagal kumilos na si Anasia. Sa sandaling iyon ay ramdam na nito ang pagod sa pagmamaneho. Nais na nitong humilata sa kama at matulog.
“’Andiyan na.” May pagdadalawang-isip man dahil sa mga nai-imagine niyang mga multo sa lumang bahay ay nagtatakbo na nga si Anasia na sumunod sa binata. Bahala na. At least may matutuluyan na siya. Hindi katulad kanina na kawawang-kawawa siya.
“Aw! Aw!” Subalit ay malalakas na tahol ng dalawang asong sumunod din sa kanya.
“Eiiihhh!” Grabe ang takot niya. Kumaripas siya ng takbo patungo kay Reynan. Nagtago siya sa likod nito.
“Max! Jax! St
