Mas lalong kumunot ang nakakunot nang noo ni Don Devid. Ngayon ay nilamon na ito ng pagtataka sa kung ano man ang dahilan, bakit hindi tinuluyan ng mga ito si Rael?
"Wala ka bang ibang maalala habang nakikipaglaban sa lalaki? Wala kang kakaibang napansin?" Tumayo ito, dinampot muli ang kopita at mula sa silya, nagtungo ito sa upuang katapat niya saka naupo roon.
Sinalubong niya ang seryoso nitong mga mata. "Maliban sa hindi magaling makipagsuntukan ang lalaki, may isang bagay pa akong napansin sa kaniya."
"Talaga? Sabihin mo sa akin kung ano iyon?" Ibinaba nito sa gilid ng mesa ang hawak na baso.
"Napunit ko ang damit na suot niya. Sa kaniyang likod, may naka-tattoo roon."
"Naka-tattoo?" ulit nito sa sinabi niya. Muling napuno ng pagtataka ang buo nitong mukha.
Tumango siya nang isa
