PAGSAPIT ng tanghali ay kasalo pa rin namin si Chane sa pananghalian sa patio.
Dalawa na sila ni Aya na alagain ko dito sa bahay, at dalawa din silang nagpapa-stress sa buhay ko dahil sa tindi nang kakulitan nila. Para akong nag-ampon din ng isa pang bata na katulad na katulad ni Aya.
Wala naman akong magawa, kundi ang hayaan lang sila.
Matapos niyon ay ako pa rin ang naghugas ng mga plato at naglinis ng buong bahay. Inutusan naman ni Chane ang isa sa mga guard namin patungo sa mall para bumili ng school supplies. At pagdating niyon ay tuwang-tuwa ang anak namin.
May mga coloring book na rin naman si Aya dyan at tinuturu-turuan ko na rin siyang magsulat ng pangalan niya. Kahit papaano naman ay nakakakumpleto na siya niyon sa buong papel. Naaagaw nga lang madalas ang atensyon niya n
