SA kubo nagpalipas ng gabi si Jack. Halos apat na oras lang ang naitulog niya dahil tinapos niya ang limang kabanata. Sampung kabanata na lang ang kanyang susulatin at matatapos na ang nobela, saktong mapupuno ang pahina ng libro.
Hindi naman siya inabala ng mga dwende. Naghahatid ito ng pagkain sa kanya upang hindi na siya lalabas. Pagkatapos na ng tanghalian siya bumalik sa Golereo. Pinatatawag kasi siya ni Sanji para sa mahalagang pagpupulong. Naroon na rin si Vulther pagdating niya sa bulwagan ng akademiya.
“Kailangan na nating kumislos, Jack, dumarami na ulit ang mga bampirang alagad ni Haring Damon,” sabi ni Vulther, nakaupo kaharap si Sanji.
Umupo naman siya sa tabi ni Haru. “Tamang-tama, matatapos ko na ang nobela. Titiyakin ko na matapos ito bago tayo aatake, para habang umaata
