“Manang Salud, nasaan ho si Wendell?” tanong ni Khrystelle kay manang Salud pagkapasok niya sa kusina kasama ang asawa.
“Nagpaalam ho na magpapahangin lang daw siya, Ma’am, bakit ho?”
“Ano ho kasi… napag-isip-isip ko ho na mas makabubuti na ipaalam na lang sa mga otoridad ang kalagayan niya at baka may mga pamilya siyang naghahanap sa kanya,” ani Khrystelle. Iyon kasi ang napag-usapan nilang mag-asawa dahil babalik na sila ng Manila.
“Tama ho ang naging desisyon ninyo, Ma’am. At saka, hindi niyo naman ho kasi siya obligasyon at iyong pagligtas ho ninyo sa kanya ay isang malaking tulong na sa iyon,” turan ni manang Salud.
“Iyan nga rin ang sabi ko sa kanya, Manang. And we need to fix our own problem first too because, at the end of the day, family is more important than everything else
