Three days later, maagang nagising si Nathaniel. Pupunta na siya ng Cebu upang kausapin ang may-ari ng lupang bibilhin nila na plano nilang pagpapatayuan ng bagong building para sa ipapatayo nilang branch ng hotel and restaurant. Alas diyes ang flight niya pero kailangan muna niyang dumaan sa opisina niya para kunin ang ibang mahahalagang dokumento na kakailanganin niyang dalhin. Bukod kasi sa kakausapin niya iyong may-ari ng lupa at may kakausapin rin siyang tao upang mapadali ang mga transaksyon niya roon sa Cebu.
Pagkatapos niyang maligo at magbihis ay naisipan muna niyang silipin ang bagong silang nilang supling na naroon sa nursery room. Ala siyete pa lang naman ng umaga kaya may oras pa siya. Karugtong lang din naman ng kuwarto nilang mag-asawa ang kuwarto ng baby nila. May pinto ri
