Two days later, nasa Baguio pa rin ang magpamilya. Lunes na iyon at kaarawan ni Khrystelle. At hindi pa rin alam ni Khrystelle na ang tinutuluyan nila doon ay ang property na ireregalo sa kanya ng asawa.
“Ma’am, babalik na ho ba tayo sa villa o may pupuntahan pa ho kayo?” tanong ni Ryan kay Khrystelle nang pumasok siya sa sasakyan. Kalalabas lang niya sa salon dahil nagpa-foot spa siya at nagpaayos na rin ng sarili. Medyo masama rin ang loob niya dahil tila wala yatang nakakaalala na kaarawan niya ngayon. Umalis siya mag-isa kanina dahil may importanteng lakad daw ang asawa. Iniwan na lang din niya ang mga anak sa ina dahil sa salon lang naman ang punta niya.
“Uwi na tayo Ryan,” malungkot niyang tugon. Alas sais na rin ng gabi at malamig na kaya kailangan na niyang bumalik sa tinutuluyan
