Matapos ang masayang hapunan, isa-isa ng nagsitulog ang lahat. Nakatulog rin agad ang dalawang anak nina Khrystelle at Nathan kaya mas nagkaroon pa sila ng sapat na oras sa isa’t isa. Nang matapos silang makapag-shower, nag-set up pa ng table with candle si Nathan sa kuwarto nila. Naglagay siya ng dalawang upuan saka roses at wine sa mesa sabay nagpatugtog ng mga love song na paborito nilang patugtugin mag-asawa.
“Puwede ko bang isayaw ang aking pinakamamahal na asawa?” nakalahad ang palad na tanong niya rito.
Napangiti si Khrystelle. “Asus! Ang dami namang pakulo ng asawa ko,” tugon niya saka tinanggap ang alok nito.
“Gusto ko lang maging memorable itong birthday mo. Saka gusto ko rin sulitin ang bawat sigundo at oras na kasama kita kapag free time ko. Hindi ‘yong puro work na lang.
