Wala nang nagawa pa si Frank kundi ang mapailing na lamang sa mga pang-aasar ng mga kaibigan sa kanya.
"Hey, kung nagpunta kayo rito upang asarin ako—" putol niya nang agad siyang barahin ni Bray.
"Nagpunta kami rito upang yayain ka pero mukhang abala ka naman," anito na alam na niyang pinapatamaan siya nito.
"Tama!" may kalakasang segunda naman ni Ken na nasa labi ang pang-aasar.
"Sorry, guys, pero makakaalis na kayo," aniya na tuluyang nainis sa mga ito, ngunit bagkus na makahalata ang mga ito na naiinis na siya ay mas lalo pa ang mga itong natawa.
"Hep! Ubusin muna namin ang kape namin, sayang naman," turan ni Bray sabay taas sa tasa nito na nakangisi.
"Baka naman napapabayaan ninyo ang kompanya niyo dahil sa katitingin niyo ng mga babae niyan?" untag sa mga kaibigan nang biglan
