Matapos nilang pagsaluhan ang matamis na ngiti ay agad na niyaya ni Frank si Valerie.
"Let's go," nakangiting yakag. "Let's eat before I will drop you home," dagdag pa nito.
Hindi na umangal pa si Valerie lalo na nang mabilis na bumaba si Frank at pinagbuksan siya nito ng pinto sabay lahad ng palad nito sa kanya. Napatingin siya sa mukha nito at hindi pa rin napapalis ang ngiti sa mga labi nito.
'Bahala na, basta sa ngayon ay masaya ako,' aniya sa isipan saka mabilis na ibinigay ang kanyang palad sa palad ni Frank na nakalahad sa kanyang harapan.
Hindi maiwasang kiligin si Valerie habang pababa sa sasakyan ni Frank at tudo alalay ito sa kanya. Maging sa pagpasok nila sa kainang iyon ay hindi nito binitawan ang palad. Bagay na hindi na rin niya tinutulan bagkus ay piniling namnamin na
