HINDI malaman ni Valerie ang gagawin ng sandaling iyon lalo pa at sa gilid ng mga mata ay kita ang nanlalaking mga mata ng kapatid ni Frank.
"Hmmm!" tikhim niya upang pukawin ang pansin nito at umalis na sa kanyang harapan ngunit tila nananadya ito at wala yatang balak na umalis sa harapan. "Sir," untag na niya rito.
Napangiti na lamang si Frank nang makita ang naiinis nang mukha ni Valerie, bago pa tuluyang mainis sa kanya ay umalis na siya sa harap nito at binalingan ang kanyang ina at kapatid.
"Ayos na ba kayo?" maang na tanong sa mga ito at nakita ang malawak na pagngiti ng kanyang kapatid. Ngayon niya ulit nakita ang ngiting iyon sa mukha nito at hindi maiwasang mapangiti dahil mukhang nagkaayos na rin sila sa wakas ng kanilang mama. "Mabuti naman, siguro naman by this time ay maso
