Matagal na nagkahinang ng paningin nina Frank at Henry, tila walang nais magbawi ng tingin ngunit hindi nagtagal ay muling nagsalita si Henry.
"Hindi ako makakapayag na muli siyang masaktan," anito na tiim ang tingin kay Frank.
Ramdam na ramdam ni Frank ang pagmamalasakit sa mga mata pa lamang nito ngunit mas naramdaman niya ang pagmamahal nito sa tinig nito.
"Mahal mo pa ba siya?" hindi niya napigilang itanong kay Henry.
Napaangat ito ng mukha at muling nagtama ang kanilang paingin. Nakitang napahugot ito ng malalim na buntonghininga saka nagpamulsa.
"Oo," walang pag-aalinlangang tugon ni Henry sabay tingin kay Antonette. "Noon pa man ay gustong-gusto ko na siya, akala ko noong bumalik siya, hindi na siya iyong dating babaeng minahal ko pero kapag ang puso pala, kahit marami na ang n
