Mabilis na bumaling si Catherine kay Frank. "At sa tingin mo nakatutulong ang ginagawa mo?" gagad niyang turan na matatalim ang titig. "Tandaan mo ito, Frank, hindi mo ako matatakasan!" buwisit na turan ni Catherine saka naglakad patungo sa sasakyan nito.
Wala nang nagawa pa Frank kundi ng panuorin na lamang si Catherine habang pabalik sa sasakyan nito, ngunit bago ito pumasok ay bumaling ito sa kanya.
"Ano'ng titingin-tingin mo diyan? Huwag mong sabihing babalik ka pa?!" pasitang wika ni Catherine.
Naiiling na lamang si Frank, hindi na siya nagsalita pa dahil ayaw niyang lumawig ang usapan nila. Ang importante sa ngayon ay nailayo si Catherine kay Valerie. Nang maalala si Valerie ay hindi niya maiwasang lingunin ang linabasa nilang pinto kanina. Nakasara na iyon kaya hindi na niya kit
