Kinabukasan nagising siyang nasa bisig niya si Bella at mahimbing pa ang tulog ng asawa. Napangiti siya at maingat niya itong niyakap.
Naayos na nila ng asawa ang lahat ng problema sa kanilang dalawa. Matagal man ang hinintay nilang pareho masasabi naman niyang worth it ang paghihintay at pagtitiyaga niya sa asawa. Hindi siya nagsisisi sa pananatili niya sa tabi ni Bella. Ang pagbibigay niya rito ng space, ay malaking tulong sa kanila, para pareho nilang mahanap ang kanilang mga sarili at mag grow pa.
Inamin na rin niya kay Bella na noong una palang ay mahal na niya ito. Iyon ang totoo. Bata palang si Bella napatibok na nito ang puso niya. Sadyang hindi lang niya alam na iyon na pala ang tinatawag nilang pag ibig. Umiwas siya muna bilang respeto sa Tito Franco niya ang Daddy ni Bella.
