“Congratulations, Bella,” masiglang bati sa kanya ni Enzo matapos siyang hintaying makababa sa stage. Tapos na siyang mag-martsa. Graduate na siya ngayon sa kursong Accountancy. Marami man ang pinagdaanan niya, thankful pa rin siya at nakapagtapos siya ng pag-aaral. Dahil iyan sa tulong sa kanya ni Enzo.
“Thank you,” pasalamat niya kay Enzo nang iabot nito sa kanya ang napakagandang bouquet ng bulaklak.
“I love you,” bulong pa nito at hinalikan siya sa pisngi.
“I love you,” matamis na tugon niya.
Maraming tao sa paligid. Umaagaw ng atensyon ang asawa niya sa mga kaeskwela. Sino ba naman ang hindi mapapatingin sa ganito kagwapong lalaki? Napaka-gwapo ni Enzo sa suot na puting long sleeves at gray trousers. Sa tindig at pananamit pa lang, halatang mayaman at matalino ang asawa ni
