PRECY
Hindi ko alam kung anong oras na pumasok dito sa loob ng silid si Aryan dahil nagising ako na katabi ko na siyang natutulog dito sa kama habang nakayakap ang isang braso sa bewang ko at nakasiksik ang mukha sa batok ko.
Tulog pa ang kambal. Mahimbing rin ang tulog ng lalaking katabi ko pero bumangon na ako dahil nahihilo at naduduwal na naman ako.
Ang hirap ng malaki ang silid. Naninibago ako ngayon dahil nasanay ako sa dating k'wartong tinuluyan namin doon sa isla ng mga anak ko. Kahit hilong-hilo ang pakiramdam ko ay wala akong nagawa kung ‘di ang tumakbo para makarating agad sa loob ng banyo dahil pakiramdam ko ay hinahalukay ang sikmura ko.
Ganito ang karaniwang nararamdaman ko tuwing nagigising ako, kaya lalo lamang akong nakakaramdam ng panghihina dahil umaga pa lang ay wal
