Mavis Nhea's P. O. V.
Natapos ang klase. Pakiramdam ko ay pinipiga ang utak ko sa sakit nito. Ang dami kong tinapos na activities para humabol. Ni-hindi ko nga alam kung tama ba yung mga sagot ko doon, kung ano lang ang naalala ko at nabasa ko sa libro, iyon lang ang isinagot ko. Hindi naman siguro ako babagsak nito.
"Sino 'yan?"
"Bagong girlfriend ni Ardel, ang ganda niya, 'no?"
Tila ba nanintig ang aking tenga nang marinig ko ang pangalan ni Ardel. Napatingin ako sa ibaba ng hagdanan, naglalakad paakyat ang dalawang babae hawak ang kanilang cellphone, nasa lower grade lamang sila base sa kanilang uniporme.
Napatigil sila sa paglalakad nang makasalubong nila ako. Tila ba gulat na gulat ang mukha nila. Ang babaeng may hawak na cellphone ay tumingin sa katabi niyang babae.
"Si Mavis '
