Mavis Nhea's P. O. V.
Pag-uwi ko sa bahay ay hindi ako nakilala ng guard dahil sa itsura ko. May kulay na ang buhok ko, blonde ang napili ko. Pwede naman ang may kulay ang buhok sa school namin. Nagpa-perm din ako dahil iyon daw ang bagay sa akin. Wavy na ngayon ang buhok ko.
"Diyos ko, Ma'am Mavis?" gulat na sambit ni Manong Rey.
"Si Ma'am Mavis nga 'yan," ani Manong guard.
"O-Opo, ako nga po ito," ani ko at inayos ang salamin ko.
Nagpagawa na rin ako ng contact lense na may grado na pero three days bago magawa, noon ko lang babalikan sa eye clinic para kuhanin. Medyo mahal din siya at naubos ang pera ko para doon.
"Naghapunan na po ba kayo, Ma'am?" tanong ni Manong.
Tumango ako. Naglakad ako patungo sa main door. Naroon si Manang at nang makita niya ako ay napahinto siya sa kaniya
