HAZE Village.
Kumawala ang hindi kalakasang hangin matapos bigyan ng damage ni Hax ang player na may dilaw na buhok na naglakas ng loob na kalabanin siya sa kabila ng kanyang reputasyon sa North Triangle Guild. Nang makita naman iyon nina Herald at Wind ay parang naintriga nga sila kung kaya bang talunin ito ng kanilang bossing.
“Palagay mo ba Cruxade… Kaya bang talunin ni Laxus ang isang iyan?” tanong naman ni Sora sa pinuno ng Axis na seryosong nakahawak sa hawakan ng kanyang espada dahil kung sakaling malalagay sa alanganin si Laxus ay pipigilan niya si Hax na alam din niyang wala itong kinatatakutan.
“Hindi ko pa alam lolo… Hindi ko pa naman nakakalaban ang player na iyan… Ang kapatid lang niya ang nakalaban ko noon.”
“Ah, kilala mo ang player na iyan at ang kapatid niya?”
“Oo lol
