ANG PAGKATALO ni Hit ay gumulantang sa mga kasamahan niya sa Pentagon. Makikita nga sa mga mata ng bawat isa na kasalukuyang nakikipaglaban ang pagkabigla sa mabilis na pangyayaring iyon. Ang matandang si Nagora nga ay napaseryoso na lang sa nasaksihan niyang iyon. Matagal na rin kasi niyang na-obserbahan ang batang player na si Hit at sa kanyang palagay ay hindi ito ganoon kabilis na matatalo. Alam din niya na malakas itong player, ngunit iba ang nangyari sa pagkakataong ito. Dito na nga rin niya napagtanto na mukhang may ibang lakas na taglay ang mga players na kaharap ngayon ng kanyang mga kasamahan sa Council.
Isang pagngisi na nga rin lang ang kanyang ginawa dahil kahit na nakalayo na siya mula sa labanang nangyayari ay heto na nga sa harapan niya ang dalawa pang player na pinagkaka-
