ISANG malakas na weapon skill ang pinakawalan ni Medusa nang makita niya na marami ang kanyang makakalaban. Ngayon lang ito nangyari sa kanya rito at ngayon lang din niya ginamit ang weapon skill na kanyang pinakawalan. Kung mahihina ang kalaban niyang ito ay mauubos ang mga ito… pero ito ay malalaman lamang niya sa paglalaho ng makapal na usok na bumabalot sa buong battlefield na dulot ng kanyang skill. Makikita nga ang pagngisi sa labi niya at sa kasama niyang si Sythen na nagliliyab pa rin ang mga ahas na buhok nang oras na iyon.
“Kapag may natitira pa sa kanila… Atakehin kaagad natin. Hindi na natin dapat na pinagtatagal ang mga ganitong laban,” sabi naman ni Medusa na sinang-ayunan naman ng kasama nito.
Subalit mula nga sa usok ay may bigla na lang bumulusok paitaas na ikinagulat ni
