"Bitawan mo ako! Bitawan mo ako!" hiyaw ni Jhoena kasabay ng paghahagulhol dahil sa takot. Pinipilit nitong makawala sa mahigpit na pagkakahawak ni Mang Arthur sa braso nito. Hubo't hubad pa rin ang kawawang dalaga.
"Tumigil ka!" bulyaw ni Mang Arthur. Itinutok nito ang dulo ng malaking kutsilyo sa mata ng kumakawalang bihag. "Sumunod ka sa'kin ng tahimik kung ayaw mong patayin na kita ngayon dito!" at nakakatakot nitong babala.
Walang nagawa si Jhoena kundi ang magpatianod sa matandang mas masahol pa sa demonyo ang kasamaan. Piping iyak na lamang ang tanging nagawa ng dalaga.
"Tay, saan mo siya dadalhin?!" humahangos na bungad ni Nash. Gusto niyang pigilan ang ama na malamang ay may balak nang masama sa dalaga.
"Tumabi ka!" makapangyarihang utos ni Mang Arthur saka kinaladkad na si J
