"Itay! Itay! Gumising ka!"
Pabiling-biling sa kanyang pagkakahiga si Mang Douglas. Gusto niyang dumilat para silayan ang boses ng batang tumatawag sa kanya, pero hindi niya magawa. Kunot na kunot ang kanyang noo na halos magdugtong na ang kanyang dalawang kilay. Pawisan na rin ng malapot ang kanyang buong mukha at leeg.
Ano ito? Bakit naririnig niya ang boses ng kanyang isang anak.
"Itay! Itay ko! Gumising ka!" Ang narinig niya ulit na boses ng nagmamakaawang batang lalaki.
"Aaaaahhhh!!" Biglang bangon si Mang Douglas. Pakiramdam niya ay uhaw na uhaw siya. Agaw niya ang kanyang paghinga.
Isang panaginip lang pala. Isang panaginip na muling nagpa-alala sa nawawala niyang anak, pitong taon na ang lumipas.
Hindi napigilang mapaluha si Mang Douglas sa pagkaalala ulit sa kanyang anak. Sa
