LAURA POV
“MAAARI ka nang makauwi, Miss Asuncion.”
Apat na salita ang narinig ko mula kay Dr. Lazaro na siyang pagningning ng aking mga mata.
“P—po? Pʼwede na po akong umuwi ngayong araw?” tanong ko sa kanya.
Tumango siya sa akin. “Yes, Miss Asuncion. Lahat ng test na ginawa namin sa iyo kahapon ay normal ang lahat, kaya pʼwede ka ng makauwi ngayong araw.” ulit niyang sabi sa akin.
Napatingin ako kina Ninong Garvin and Ninong Gavin. “P—pʼwede na raw ako makauwi, Ninongs. U—uwi na ako. Gusto ko ng umuwi,” sabi ko sa kanila.
Gusto ko na talagang umuwi kahit sabihin mo kahapon lang ako nagising.
Napatingin si Ninong Gavin kay Dr. Lazaro, ang pinsan nila. “Daryl, are you sure na pʼwede na siyang umuwi? Wala na bang kailangang test na gagawin pa sa kanya?” tanong niya sa kanyang pins
