BUMALIKWAS ng upo si Olivia nang pakiramdam niya’y malalagutan siya ng hininga. Hinahapo siya. Iginala niya ang paningin sa paligid. Bumuntong-hininga siya nang mapagtanto na nanaginip lamang siya. Alas-singko na ng umaga. Hindi na siya muling makatulog kaya bumangon na siya at nagluto ng almusal.
Alas-otso na ng umaga pumasok ng paaralan si Olivia. Iniiwasan na niyang pumasok nang maaga para makaiwas sa mga pangungutya ng ibang estudiyante. Sampung minuto na lang ay oras na ng klase niya sa unang asignatura. Nagtungo siya sa locker room para iwan sa locker niya ang ilang gamit niya para sa subject niya sa hapon. Hindi na kasi siya umuuwi ng tanghali at nagbabaon na lamang siya ng tanghalian.
Pagbukas niya ng locker ay nagulat siya nang makita roon ang matagal na niyang hinahanap na tumb
