NAPAHINTO si Travis Rigor nang nasa harap na siya ng pinto ng kwartong pinagkulungan niya kay Marvin. Napagpasyahan niya na magpakita na rito. Kung kinakailangan na torture-in niya ito para mapaamin kung sino pa ang isang kasabwat ay gagawin niya at para matuldukan na rin ang lahat.
Oras na mabuksan ang pinto ay hindi na niya bubuhayin si Marvin. Hindi niya paiiralin ang awa. Mahirap na, baka kapag binigyan niya ito ng pangalawang pagkakataon ay pagtataksilan ulit siya. Sigurado rin na isusumbong siya nito sa kinauukulan.
Bumuga siya ng hangin mula sa baga nang buksan na niya ang pinto. Tumingin si Marvin sa kinaroroonan niya. Wala itong reaksiyon. Tila inaasahan na nito na siya ang makikita.
“Kumusta, Marvin?”
Hindi ito tuminag. Blangko ang puro pasa ng mukha. Binugbog na kasi ito n
