KABANATA 15:
TUMAAS ang kilay ni Sir Gideon nang hamunin ko siya para patunayang hindi siya bakla. Tila ba na-challenge din naman siya sa hamon ko. Ganyan nga, kung talagang hindi siya bakla, dapat patunayan niya sa akin na hindi. Hindi iyong nagagalit-galit pa siya!
“How do you want me to prove it?” tanong niya.
Saglit na napaawang ang labi ko. Ang totoo, hindi ko rin alam. Kaya habang nag-iisip ako, iyon namang pumasok si Mama na may dalang tatlong plastic bags ng grocery.
“Val, ito na ang mga pinabili mo… ay! Sino ang gwapong lalaking ‘to? Boypren mo?”
Kaagad namang tumayo si Sir Gideon at tinulungan si Mama sa mga buhat niyang plastic bags.
“Aba, ang bait pa! Boypren ka ng anak ko, iho?” nakangising tanong ni Mama.
“H-hindi—”
Kaagad kong pinigilan si Sir Gideon sa pagsasalita.
