KABANATA 58:
SAGLIT akong natulala nang makita ko si Gideon na kabababa lang ng kotse niya. Hindi ko alam kung ano ang nararamdaman ko, naguguluhan ako. Nang makita ko siya, nasabik ako sa kanya. Gusto ko siyang takbuhin, yakapin, halikan at hubaran pero sa kabilang banda, nainis ako sa kanya. Magdadalawang buwan na ang nakalipas at unti-unti na akong nag-mu-move on sa aming dalawa, tapos ganito ang gagawin niya? Bigla na naman siyang susulpot!
“Anong gingawa mo rito?” Pagmamaldita ko.
Mabilis na nilakad ko ang pagitan naming dalawa at humarang sa gate para hindi siya makapasok. Sino bang ugok ang hindi nag-lock ng gate? Malilintikan talaga sa akin.
Malungkot na tinitigan niya ako, tila nanlumo siya sa nakita niya sa akin.
“Pumayat ka, what happened?” tanong niya sa nag-aalalang tono.
