KABANATA 30:
MULA nang malaman ni Sir Gideon ang bagong schedule ko, gabi-gabi na siyang pumupunta ulit sa Strip Club. Kahit pa nga sinabihan na ni Dix ang guard na huwag nang papasukin si Sir Gideon, wala silang nagawa dahil kaibigan siya ng may-ari.
Sa gabi-gabing pag-pe-perform ko, binabayaran niya ang bawat gabi ko para lang hindi ako ma-i-table o mailabas ng iba. Kahit na hindi ko naman siya sinisipot sa table niya, ayos lang sa kanya. Ang totoo, unti-unti na akong rumurupok lalo na sa mga pagkakataong nakikita ko kung gaano kalungkot ang mga mata niya sa tuwing nanunuod siya sa akin at kung paano siya magpakalasing. Noong isang gabi nga ay umalis daw na pasuray-suray na dahil sa kalasingan, mabuti at sinundo ng isa sa guard niya.
Ngayong gabi, determinado na akong makipag-usap sa
