Humalakhak si Sia. "Dalawang taon lang naman kaya okay lang kahit hindi na mag-ate sa akin! Ikaw nga dalawang taon din ang tanda sa akin pero hindi naman ako nagku-kuya sayo ha!"
"Iba naman 'yong sa kaso ko, boyfriend mo ako kaya natural lang na hindi ka mag-kuya sa akin! Kapatid ko si Markel, nakababatang kapatid kaya gusto ko ginagalang din niya ang girlfriend ko sa pamamagitan ng pagtawag ng ate!"
Akmang magpapatuloy sa pagpo-protesta si Sia para lalo akong tuksuhin pero si Markel na mismo ang pumutol sa kanya.
"Okay lang, ate Sia, tama naman si kuya Niall eh. Girlfriend ka niya kaya dapat lang din talagang tawagin kitang ate." nakangiti nitong sinabi.
"Alam mo hindi mo naman talaga kailangang gawin 'yan, brother!" patuloy ni Sia sa pangungulit.
"Okay lang talaga, ate. Mamaya magal
