Napalis ang ngiti niya't parang napahiya. Napakurap-kurap at napaiwas siya, lumungkot din bigla ang anyo tapos tinalikuran na niya ako't bagsak ang balikat na naglakad siya palayo sa akin.
"Pero oo, sayo ako't pag-aari mo ako dahil mahal kita!" masayang dugtong ko.
Napatigil siya't parang hindi makapaniwalang nilingon ulit ako.
Hindi na ako nagpaligoy-ligoy pa't nilapitan ko na siya saka niyakap ng mahigpit. Ang saya ko. Ang saya-saya ko talaga na nayakap ko na rin sa wakas ang taong mahal ko!
Naramdaman kong gulat pa rin siya at parang hindi makapaniwala sa sobrang saya, gayunpama'y tinugon din niya ang yakap ko.
Nang kumalas kami, hindi pa rin ako lumayo sa kanya habang hawak pa rin niya ako sa baywang. Ang tamis-tamis ng ngiti ko habang tinititigan siya't ang lapit-lapit ng mga muk
