HINDI na komportable si Camilla sa party at ginupo na siya ng antok. Alas-sais na ng hapon kaya niyaya niya si Chase na uuwi.
“Ayaw mo bang mang-inis ng mga pakialamero sa buhay ng iba, Camilla?” tanong ni Chase. Ayaw pa nitong umalis sa harap ng VIP table at pumapak ng icing. Inubos nito ang tirang cake ni Charlie.
“Wala ako sa mood pumatol sa mga matatandang paurong ang utak. Halika na. Inaantok na rin si Charlie,” aniya.
Tumayo na rin si Chase. Binuhat na nito si Charlie na tinamad na maglakad. Hinanap pa nila ang mommy nito upang magpaalam.
“Aalis na ba kayo? Mag-take out kayo ng food para kay Marielle,” ani Rochelle.”
“Huwag na po, Tita. Umiiwas din sa matamis si Mommy dahil tumataas ang blood glucose niya,” ani Camilla.
“Sige. Mag-ingat kayo.” Hinalikan pa ni Rochelle sa pisng
