Claimed by the Domineering Heir (Book 3 of Being His Unwanted Wife)

"In my Dreams, you are mine. In reality, you are my Dream." Maririnig ang mahinang boses na tila ba nilipad lang ng hangin mula sa malayo. Isang daing ng panibugho mula sa dalawang pusong napuno ng siphayo. Areum Allison Santander "Please, let me dream of him again, only him tonight." I chanted, habang hawak-hawak ang isang dream catcher na ibinigay sa akin ng isang Ale noong nakaraang buwan sa isang antique shop sa kabilang bayan. Naniniwala kasi akong sinasala ng dream catcher ang bawat masasamang panaginip at tanging magaganda lamang ang pinapatagos. Naniniwala ako dahil magmula nang mapasaakin ang bagay na 'to ay tangi at laging ang gwapong estranghero ang napapanaginipan ko, hindi ko siya kilala, ni sa pangalan o sa mukha, wala akong ideya kung buhay pa ba ang lalaking nasa panaginip ko o patay na. Pero isa lang ang sigurado ako, hindi ko hahayaang ang panaginip ay maging panaginip na lang. Dahil naniniwala ako sa tadhana, sa mga tala, sa panaginip at sa lahat ng hiwaga. Haze Reidden Monteverde "Here comes midnight. Sleep tight. I love you, goodnight. Please, dream of me, as I dream of you tonight." Sa unang pagkakataon magmula nang huli kong bigkasin ang mga salitang ito ay muli ko siyang naalala. Ang natatanging babaeng minahal at mamahalin ko. Wala akong ideya kung nananaginip ba ang mga patay o ang kaluluwa, pero isa lang ang alam ko. Ang puso ay isa at para sa iisa lamang. "Sana sa gabing 'to, kahit ngayong gabi lang ay makasama kita sa panaginip ko, Mahal ko. Di masusukat ang pangungulila na sanhi ng pagkawala mo, at ang makatagpo ka sa panaginip ko ay ipagpapasalamat ko." Inilarawan ko sa isip ang huling imahe niya na nakita ko, tatlong taon na ang nakararaan. "Sana sa aking pag-idlip, bisitahin mo 'ko, kung gusto mong isama ako'y gawin mo."