Karga-karga niya ako habang tinatawid namin ang malawak na quadrangle ng university habang walang humpay ang pagbagsak ng ulan. Pakiramdam ko ay ang gaan ko dahil hindi man lang mababakas sa mukha nitong nabibigatan ito sa akin. Nanlalabo man ang mga mata ay pilit ko itong ibinuka sa pagnanais na matitigan ang gwapo nitong mukha. Gusto kong matitigan siya ng ganito kalapit habang karga-karga niya ako, isang imahe na inakala kong sa panaginip ko lang matutunghayan.
Maraming mga katanungan sa puso at isip ko kung paanong dumarating siya sa tuwing nasa delikadong sitwasyon ako, kung bakit ang init ng dugo niya sa akin, kung papaano siya naging totoo o sabihin na lang nating papaano siya napunta sa panaginip ko. Gusto ko siyang halikan at yakapin. Gusto ko siyang maging akin-- pero paaano ku
