CHARLIE
RAMDAM ko ang mapanghusgang tingin na ipinupukol sa akin ng lahat kinabukasan. Walang ni isa ang nais lumapit sa akin. Lahat sila ay tila hinuhusgahan ang buo kong pagkatao dahil sa aking ginawa. Kahit si Karen na madalas lumapit sa akin ay halata ang pagkailang sa akin. Isang pilit na ngiti lamang ang kanyang itinugon sa akin matapos ko itong batiin nang makita ko ito sa lobby.
Hindi ko rin naman sila masisisi dahil kung ako ang nasa kalagayan nila ay ganoon din ang aking iisipin. Parang gusto ko na lamang lamunin ng lupa sa mga oras na iyon. Balak ko sanang puntahan sila Kaleb upang pormal na humingi ng tawad kay Stephanie ngunit hindi ko na iyon kailangan gawin dahil nahagip ng aking mga mata ang papalapit na si Stephanie.
Bago pa man ako makapagsalita ay agad na lumapat sa a
